I ndezi zjarrin dhe u largua – 43-vjeçari nga Shtipi shkakton dëme të mëdha, përfundon me kallëzim penal

SPB Shtip ka ngritur kallëzim penal ndaj M.E. (43) nga Shtipi, i dyshuar për veprën penale “shkaktimi i rrezikut të përgjithshëm”.

Sipas raportit policor, më 24 shtator 2025, në fshatin Luboten, i denoncuari kishte ndezur zjarr në oborrin e shtëpisë familjare dhe ishte larguar pa e lokalizuar atë. Si pasojë, zjarri ishte rindezur duke përfshirë dy dhoma në bodrumin e shtëpisë së të njëjtit person, si dhe pjesë të dy shtëpive fqinje, garazhin dhe rreth pesë hektarë bimësi, përfshirë pyllin dhe barin e thatë.

Rasti është dokumentuar dhe materialet janë dorëzuar për procedurë të mëtejshme.TS