Kërcënoi dy persona në Tetovë, një tjetër filmoi ngjarjen – policia po heton rastin

Një 27-vjeçar nga fshati Gradec i Gostivarit, me inicialet K.A., ka denoncuar në SPB Tetovë se është kërcënuar bashkë me një shok të tij nga një person në rrugën “168” në Tetovë.

Sipas denoncimit, ngjarja ka ndodhur rreth orës 22:30, ndërsa një person tjetër ka filmuar incidentin me telefon celular.

Policia ka konfirmuar se po ndërmerren masa për zbardhjen dhe dokumentimin e plotë të rastit, si dhe për identifikimin e të përfshirëve.TS