Kremlini pretendon rrethimin e 5,000 trupave ukrainase në Kharkiv

Reuters nuk ishte në gjendje të verifikonte në mënyrë të pavarur pretendimin e zëdhënësit të Kremlinit, Dmitry Peskov, dhe nuk pati asnjë koment të menjëhershëm nga ushtria ukrainase. Rusia tha vonë të mërkurën se kishte marrë kontrollin e Kupyanskut, një qytet i madh në lumin Oskil, por Ukraina mohoi se qyteti kishte rënë në duart e forcave ruse.

Presioni i SHBA-së për të pranuar marrëveshjen e paqes me Rusinë, reagon Zelensky: Nuk do e tradhtoj kurrë Ukrainën

Peskov tha se përparimet e Rusisë në fushën e betejës ka të ngjarë ta bindin Presidentin ukrainas Volodymyr Zelensky të negociojë tani dhe jo më vonë.

Ai gjithashtu theksoi komentet e bëra nga Presidenti Vladimir Putin të mërkurën kur Valery Gerasimov, shefi i shtabit të përgjithshëm të Rusisë, e informoi atë se udhëheqja politike e Ukrainës nuk u kishte dhënë trupave ukrainase udhëzime për t’u dorëzuar pavarësisht se ishin të bllokuar. Putini akuzoi Kievin se nuk mendonte për fatin e ushtarëve të vet dhe se skandali i madh i korrupsionit që shpërtheu në Ukrainë tregon se vendi nuk qeveriset nga lidershipi politik, por nga një “sindikatë e krimit të organizuar”.