Propozimi i Konjufcës për mandatar, Abdixhiku: Shfaqje teatrale, mandatar pa numra

Pasi Lëvizja Vetëvendosje propozoi nënkryetarin e kësaj partie, Glauk Konjufca për mandatar për kryeministër të Kosovës, ka reaguar kreu i Lidhjes Demokratike të Kosovës, Lumir Abdixhiku, përcjell TV21. Ai e cilësoi si “shfaqje teatrale” mbledhjen e LVV-së, që i cilësoi si “mandatar pa numra, pa shumicë e pa legjitimitet demokratik”.

“Dua të besoj se presidentja e Republikës, do të respektojë vullnetin e shumicës shqiptare, para mbledhjeve propaganduese të partive me mandatarë plot por pa shumicë paralamentare”, shkroi ai në Facebook.

Osmani u takua me përfaqësuesit e partive politike më 31 tetor për të diskutuar për çështjen e mandatarit dhe të zgjedhjeve.

Pas mbledhjes, Lidhja Demokratike e Kosovës, Partia Demokratike e Kosovës dhe Aleanca për Ardhmërinë e Kosovës argumentuan se nuk ka shumicë dhe se zgjedhjet duket të jenë opsion. Ndërkaq, Kurti nuk u prononcua për media.