Trump i tha Mamdanit: Lirisht thuaj që jam fashist (VIDEO)
Presidenti amerikan Donald Trump priti në Shtëpinë e Bardhë kryetarin e sapozgjedhur të bashkisë së Nju Jorkut, Zohran Mamdani, në një takim që të dy e përshkruan si produktiv.
Takimi paraqet një kthesë dramatike në krahasim me retorikën e mëparshme të Trump, i cili e kishte quajtur Mamdanin – një socialist demokrat – të çmendur dhe komunist, transmeton TS.
Toni miqësor mes dy politikanëve i befasoi shumë njerëz, duke pasur parasysh se Trump për muaj me radhë e kishte sulmuar ashpër Mamdanin dhe madje i kishte bërë thirrje votuesve të mbështesnin kundërshtarin e tij, ish-guvernatorin Andrew Cuomo. I pyetur për sulmet e tij të mëparshme, Trump i minimizoi ato, duke sugjeruar se Mamdani mund të impresionojë konservatorët.
Në një pyetje të gazetarit nëse mendonte se po qëndronte pranë një “xhihadisti”, pasi Mamdani e kishte quajtur në atë mënyrë kongresisten republikane Elise Stefanik, Trump u përgjigj vendosmërisht: “Jo, jo… U takova me një njeri që është shumë racional. U takova me një njeri që vërtet dëshiron ta shohë Nju Jorkun sërish të madh.”
Pyetje: “A po pohoni se mendoni që Presidenti Trump është fashist?”
@ZohranKMamdani: “Kam folur për këtë.”
Presidenti Trump: “Nuk ka problem. Mund të thuash thjesht po.”
Mamdani: “Mirë. Dakord.”
Trump: “Është më e lehtë sesa ta shpjegosh. Nuk e kam problem.”
Q: “Are you affirming that you think President Trump is a fascist?”@ZohranKMamdani: “I’ve spoken about.”
President Trump: “That’s okay. You can just say yes.”
Mamdani: “Okay. Alright.”
Trump: “It’s easier than explaining it. I don’t mind.” pic.twitter.com/7VgsbGUelX
— CSPAN (@cspan) November 21, 2025