Valbon Limani: Nuk do të bëj “show”, do ta liroj vendin e punës, por s’do të ketë pranim-dorëzim të detyrës (VIDEO)

I deritanishmi, ushtruesi i detyrës së kryetarit të Gostivarit, Valbon Limani ka qenë në një lidhje të drejtpërdrejtë në edicionin qendror të lajmeve në TV21 ku ka folur për vendimin e fundit të Qeverisë së Maqedonisë së Veriut, për të deleguar ushtrues tjetër të detyrës së kryetarit të kësaj komune deri në zgjedhjet e 11 janarit të 2026.

Limani ka bërë të ditur se do ta ankimojë vendimin e Qeverisë, por se deri te një vendim i Gjykatës Kushtetuese ndaj kësaj ankese, nëse i deleguari i troket në vendin e tij të punës, ai do ta lejojë dhe se “nuk do të bëjë show”.

Më tej Limani njoftoi se nuk do të ketë pranim-dorëzim të detyrës së kryetarit të Gostivarit, pasi siç vlerëson, i deleguari nuk është i përzgjedhuri i popullit.