Vetura fundoset në një kanal në Padova, shqiptari thyen xhamin dhe shpëton jetën e biznesmenit italian (VIDEO)

Sot një biznesmen rreth 70 vjeç humbi kontrollin mbi automjetin e tij Toyota Yaris dhe përfundoi në kanalin Battaglia, afër Padovës. Dy kalimtarë, mes të cilëve 32-vjeçari shqiptar Elton Zefi, u hodhën menjëherë në ujë për të ofruar ndihmë.

Ai thyen xhamin e makinës së fundosur dhe, me ndihmën e një personi tjetër, e nxori biznesmenin. Pavarësisht temperaturës së ulët të ujit prej 5 gradësh, shpëtimi u realizua me sukses.

Biznesmeni i falënderoi shpëtimtarët teksa gjendja e tij shëndetësore raportohet si e mirë.