Zuckerberg paralajmëroi fundin e telefonave të mençur: Po vjen pajisja që ndryshon gjithçka dhe nuk do t’u pëlqejë të gjithëve!

Nuk kanë kaluar as njëzet vjet që kur telefonat e mençur u bënë pjesë e përditshmërisë sonë – dhe njëkohësisht një varësi. Megjithatë, drejtori i Metës, Mark Zuckerberg, parashikon se njerëzit së shpejti do t’i zëvendësojnë ata me një “lodër” të re teknologjike që do ta marrë plotësisht rolin e tyre.

Eti Promo 2025

“Do të ndodhë gjatë viteve ’30 të këtij shekulli”, tha ai dhe shtoi:

“Po vjen momenti kur telefoni juaj i mençur do të qëndrojë në xhep shumicën e kohës. Mendoj se kjo do të ndodhë pikërisht gjatë viteve ’30 të këtij shekulli.”

Sipas tij, mrekullia e re teknologjike do të jenë të ashtuquajturat syze të mençura.

Meta (që nuk është e vetmja) po zhvillon syze të mençura që do të mund të fotografojnë, regjistrojnë video, të dëgjojnë muzikë e shfaqin pamje, të marrin e lexojnë email dhe mesazhe, të përkthejnë në kohë reale gjithçka që shohim, të shfaqin rrugët dhe drejtimet drejt destinacioneve brenda fushës së shikimit, të paraqesin realitet të shtuar dhe realitet virtual, të japin informacion për objektet që shikojmë, të masin pulsin e zemrës, tensionin e gjakut… dhe, sigurisht, do të jenë të lidhura me inteligjencën artificiale që do t’i zgjerojë edhe më shumë funksionet e tyre.

Nëse mendoni se për gjithë këtë do të nevojitet një helmetë hapësinore apo syze të mëdha VR, e keni gabim. Sipas Zuckerbergut, këto do të jenë syze krejtësisht të zakonshme në pamje, të ngjashme me syzet e diellit.

“Do të ndodhë e njëjta gjë që ndodhi me kompjuterët”, deklaroi ai.

Të gjithë i kemi në shtëpi, por më së shumti përdorim telefonat e mençur. E njëjta gjë, parashikon ai, mund të ndodhë me vetë telefonat gjatë viteve të ardhshme.