Aksident trafiku në rrugën Strugë Qafë Thanë, ndërpritet trafiku

Ministria e Punëve të Brendshme (MPB) njofton publikun se aktualisht trafiku është ndërprerë në rrugën drejtë pikës kufitare Strugë-Qafë Thanë për shkak se një kamion cisternë është përmbysur në rrugë.

Të gjitha shërbimet kompetente kanë mbërritur në vendngjarje dhe po merren masa për të përcaktuar shkaqet e aksidentit dhe për të normalizuar trafikun. Për momentin nuk raportohet për viktima apo të lënduar.