Krim i rëndë në Çegran: Çifti dyshohet për vrasjen e gruas nga Zdunja

MPB ka zbardhur vrasjen e rëndë të një gruaje nga fshati Zdunjë, e cila ishte rrëmbyer dhe më pas vrarë në territorin e fshatit Çegran.

Rasti u raportua më 11 dhjetor, kur J. M. nga Zdunja njoftoi se xhaxhai i tij i kishte treguar video-inçizime ku shihej një person i panjohur duke e marrë me forcë nënën e tij, H. A., me një veturë “Fiat”. Pas rrëmbimit, gruaja nuk ishte më e qasshme në telefonin e saj. MPB reagoi menjëherë dhe thirri disa persona për bisedë informative.

Gjatë bisedave, bashkëshortja e njërit prej të dyshuarve ka pranuar se ajo dhe burri i saj, S. A., e kanë vrarë gruan. Sipas rrëfimit të saj, pas ngjarjes trupi i viktimës ishte djegur në territorin e Çegranit.

Rasti është dokumentuar tërësisht dhe hetimet vazhdojnë.