Mario Mitaj, fitues i çmimit “Zemra Kuq e Zi”

Kualifikimi për herë të parë në fazën “play-off” të Kampionatit Botëror 2026 ishte kurorëzimi i një viti historik për futbollin shqiptar.

Kombëtarja e Shqipërisë ia doli të siguronte vendin e dytë në grupin K, ku ishte shortuar me Anglinë, Serbinë, Letoninë e Andorrën.

Ashtu sikurse edhe në vitin e kaluar të mbrëmjes gala, edhe këtë vit u nderua me trofeun “Zemra Kuq e Zi” një nga lojtarët e Kombëtares.

Ky çmim është votuar nga të gjithë anëtarët e klubit “Tifozët e Kombëtares” dhe fitues doli Mario Mitaj.

Ky çmim pasqyron vlerësimin e tifozëve për paraqitjet e tij të jashtëzakonshme dhe përkushtimin ndaj fanellës kuqezi.

Trofeun ia dorëzoi Lorik Cana, ish-kapiteni legjendar i Kombëtares.

Në një fjalë të shkurtër, mbrojtësi u shpreh i lumtur dhe krenar që është vlerësuar nga tifozët me këtë trofe.