Vrasja e rreshterit Muhamed Lika, më 12 shkurt nis gjykimi ndaj gjashtë të akuzuarve

Gjykata Themelore në Ferizaj ka njoftuar se gjatë shkurtit do të fillojë procesi gjyqësor ndaj gjashtë të pandehurve, të dyshuar për vrasjen e ish-zyrtarit policor, Muhamed Lika.

Sipas njoftimit të gjykatës, seanca e shqyrtimit fillestar do të mbahet më 12 shkurt.

Pesë të pandehurit, H.B., R.M., V.Ç., E.L., dhe SH.K., akuzohen se kanë kryer veprën penale: “Vrasje e rëndë”. Ndërkaq, D.G., është i akuzuar për kryerje të veprës penale: “Dhënie e ndihmës kryerësve, pas kryerjes së veprave penale”.

Gjyqtar i këtij rasti është njoftuar të jetë Ilir Bytyqi.

Njoftimi i gjykatës vjen 5 ditë pasi Prokuroria Themelore e Ferizajt ngriti aktakuzë ndaj gjashtë të lartpërmendurve.

Sipas prokurorisë, aktakuza u ngrit pas zhvillimit të hetimeve dhe sigurimit të provave.