Dhunë në familje në Tetovë: Burri arrestohet pasi sulmoi bashkëshorten me mjet të mprehtë

Sipas informacioneve që raporton Tetovasot, një 43-vjeçar nga Tetova është arrestuar pasi dyshohet se ka ushtruar dhunë fizike ndaj bashkëshortes së tij. Ngjarja ka ndodhur më 22 mars rreth orës 21:15, ndërsa viktima ka deklaruar se ai e ka sulmuar edhe me mjet të mprehtë dhe për një periudhë të gjatë është sjellë në mënyrë agresive duke kërcënuar atë dhe fëmijët. Siç bën të ditur Tetovasot, pas dokumentimit të plotë të rastit do të pasojë kallëzim përkatës.