Trump: SHBA-të mund të kryejnë sulme të tjera në ishullin iranian të naftës “për qejf”

Presidenti i SHBA-së, Donald Trump, ka thënë se Shtetet e Bashkuara mund të kryejnë sulme të tjera në qendrën e eksportit të naftës të Iranit në ishullin Hark. Trump tha në një intervistë me NBC të shtunën se, ndërsa Teherani dukej i gatshëm të arrinte një marrëveshje për t’i dhënë fund konfliktit, “kushtet nuk janë ende mjaftueshëm të mira”.

Ai përsëriti se pjesa më e madhe e Ishullit Hark ishte “shkatërruar plotësisht” në sulmet amerikane, duke deklaruar se SHBA-të mund ta godisnin atë edhe disa herë “vetëm për argëtim”.

Presidenti i Shteteve të Bashkuara të Amerikës, Donald Trump, tha se nuk ka nevojë për ndihmën e Ukrainës në kundërshtimin e dronëve iranianë në Lindjen e Mesme.

“Personi i fundit nga i cili kemi nevojë për ndihmë është Zelensky”, tha Trump në një intervistë për NBC News.