Greqia shqyrton masa të reja për të zvogëluar turmat në kufi
Një paketë masash të reja, me theks në forcimin e mëtejshëm të sistemeve të informacionit për zbatimin më të shpejtë të kontrolleve, si dhe duke shqyrtuar mundësinë e ndërtimit të zgjidhjeve të përkohshme teknike për të lehtësuar rrjedhën e pasagjerëve dhe automjeteve.
Kështu u vendos në takimin e djeshëm të thirrur nga zëvendësministri i Brendshëm i Greqisë përgjegjës për rajonet e Maqedonisë dhe Trakisë, Konstantinos Goulekas, lidhur me situatën në pikat kufitare Kipi dhe Evzoni pas implementimit të sistemit EES.Në një takim të gjerë pune në Selanik me pjesëmarrjen e përfaqësuesve të institucioneve kompetente, shërbimeve të sigurisë dhe autoriteteve lokale, Gulekas theksoi se trafiku turistik dhe tregtar drejt Greqisë është vazhdimisht në rritje dhe “direktiva evropiane për kontrollin e të dhënave biometrike të çdo personi që hyn ose del nga vendi po krijon vonesa shtesë gjatë kontrolleve të nevojshme policore”.
LEXO EDHE:
Ai shtoi se takimi synonte gjithashtu të siguronte koordinim të plotë të të gjithë palëve të përfshira, ndërsa vendimet për masat e reja, pra forcimi shtesë i sistemeve të informacionit dhe mundësia e ndërtimit të zgjidhjeve të përkohshme teknike, siç u njoftua nga Ministria, “po transferohen menjëherë në terren”.
Më konkretisht, vizitat e ekipeve speciale në pikat kufitare Evzoni, drejt vendit tonë, dhe Kipi, drejt Turqisë, janë planifikuar për sot “me qëllim shqyrtimin e zbatimit të menjëhershëm të masave shtesë që u diskutuan në takim”.
Ekipet do të përfshijnë përfaqësues nga Administrata e Decentralizuar e Maqedonisë – Trakisë, nga periferitë e Maqedonisë Qendrore dhe Maqedonisë Lindore – Trakisë, nga policia, nga shërbimet doganore, si dhe nga bashkitë kompetente.
Ministri grek i Mbrojtjes së Qytetarëve, Michalis Chrysochoidis, tha dje nga Halkidiki se ata duhet të zbatojnë legjislacionin evropian, pasi Komisioni Evropian këmbëngul në zbatimin e plotë, dhe theksoi se ai kishte “marrë ankesa nga kolegët e tij nga Maqedonia e Veriut dhe Serbia” në lidhje me sistemin EES.
