Libri më i ri i Sadije Alitit,  “Ma qëndis vargun dashuri”

“Ma qëndis vargun dashuri”, është botimi më i ri i poetes Sadije Aliti, nga Shtëpia Botuese „Lena” nga Prishtina. E përkthyer në disa gjuhë, tani autorja ato i sjell tog në një libër të vetëm, në 21 gjuhë të përkthyera, ku në rend të parë është gjuha shqipe. Kopertinë është e ilustruar me një pikturë të piktores Donieta Kabashi.

Ky libër do të promovohet në kuadër të Akademisë së Jubileut “Katër dekada në dy shekuj veprimtari” – Sadije Aliti, poete, shkrimtare, gazetare, profesoreshë, mësimdhënëse e gjuhës shqipe, humaniste, aktiviste e sektorit qytetar, që organizohet nën patronatin e Kryetarit të Komunës së Tearcës, Daut Memishi me një pjesëmarrje të botës artistike nga Kosova dhe Shqipëria.