Polici nga Manastiri dyshohet për keqpërdorim të detyrës zyrtare

Departamenti për Kontroll të Brendshëm ka ngritur kallëzim penal ndaj I.D., polic në Manastir, për veprën “keqpërdorim i pozitës zyrtare”.

Sipas hetimeve, ai është paraqitur si polic në një ndërmarrje publike dhe ka kërkuar anulimin e një gjobe për parkim të parregullt për veturën e vëllait të tij.

“Ai kishte shkruar ‘MPB’ në arsyetimin për anulimin e gjobës, duke tentuar të paraqesë veturën si pronë të Ministrisë së Punëve të Brendshme”, raporton Tetovasot.

Ndaj tij do të zhvillohet edhe procedurë disiplinore.