Ahmeti nga Zhelina: BDI mbetet e fortë, e organizuar dhe e vendosur për të vazhduar misionin e saj

Kryetari i Ali Ahmeti, gjatë pjesëmarrjes në Kuvendin Zgjedhor të Degës së Bashkimit Demokratik për Integrim në Zhelinë, ka theksuar se fuqia e organizatës qëndron te uniteti, përkushtimi dhe besimi në vlerat që kanë udhëhequr partinë përgjatë gjithë rrugëtimit të saj politik.

Ahmeti vlerësoi se Zhelina dëshmoi edhe një herë mbështetjen dhe organizimin e fuqishëm të strukturave partiake, duke theksuar se BDI mbetet e fortë, e organizuar dhe e vendosur për të vazhduar misionin e saj në shërbim të qytetarëve dhe të ardhmes së përbashkët, njofton TS.

Ai uroi strukturat e reja të zgjedhura në degën e Zhelinës, ndërsa shprehu mirënjohje për të gjithë anëtarët, simpatizantët dhe veprimtarët që, sipas tij, vazhdojnë të japin kontribut në forcimin e familjes politike të BDI-së.

“Forca e organizatës sonë qëndron te uniteti, përkushtimi dhe besimi në vlerat që na kanë udhëhequr në çdo etapë të rrugëtimit tonë”, ka shkruar Ahmeti pas Kuvendit Zgjedhor në Zhelinë.