Komuna e Çairit shpreh ngushëllime për ndarjen nga jeta të Vlado Janevski

Komuna e Çairit shpreh ngushëllimet më të sinqerta familjes, të afërmve dhe mbarë kombit me rastin e ndarjes nga jeta të maestro Vlado Janevskit, një prej emrave më të mëdhenj të muzikës maqedonase, krijimtaria e të cilit la gjurmë të pashlyeshme në kulturën muzikore dhe në kujtesën e shumë brezave.

Në shenjë nderimi për kontributin e tij artistik dhe lidhjen e veçantë me Çairin, Këshilli i Komunës së Çairit do të ndërmarrë masa institucionale për të përjetësuar figurën dhe veprën e Vlado Janevskit.