Bajram Rexhepi bën thirrje për pjesëmarrje në protestën e 11 korrikut në Tetovë: “Sot janë emrat e rrugëve, nesër gjuha dhe dinjiteti ynë”

Kryetari i Degës së BDI-së në Tetovë, Bajram Rexhepi, u ka bërë thirrje të gjithë qytetarëve që të marrin pjesë në Protestën e Madhe Kombëtare, e cila do të mbahet të shtunën, më 11 korrik.

Përmes një mesazhi publik, Rexhepi thekson se protesta është një reagim ndaj zhvillimeve të fundit lidhur me emrat e rrugëve, duke paralajmëruar se çështja nuk ndalet vetëm aty.

“Sot janë emrat e rrugëve. Nesër gjuha, të drejtat, dinjiteti dhe trashëgimia jonë kombëtare”, shkruan ai, duke u bërë thirrje qytetarëve që të mos mungojnë në protestë.

“Ftojmë çdo qytetar, pa përjashtim, të shtunën, më 11 korrik, në Protestën e Madhe Kombëtare. Eja edhe TI! Mos e lër pa dalë!”, është mesazhi i Rexhepit, i cili e shoqëron thirrjen me moton #HistoriaNukAbrogohet.