Digjet një eskavator në Çair arrestohen tre persona që tentuan të largoheshin me BMW

Tre persona janë arrestuar në Shkup nën dyshimet se kanë shkaktuar zjarr të qëllimshëm, pasi një eskavator u dogj në një deponi të mbeturinave sekondare.

Sipas policisë, sot (2 korrik 2026), në rrugën “Magjistralja e Adriatikut” në Shkup, janë privuar nga liria Xh.Xh., A.A. dhe F.Ll., të dyshuar për veprën penale “shkaktim i rrezikut të përgjithshëm” sipas nenit 288 të Kodit Penal.

Ngjarja është raportuar më 1 korrik, rreth orës 23:20, në Stacionin Policor Çair, ku është njoftuar se në një deponi për grumbullimin e lëndëve të para sekondare në territorin e Çairit ishte përfshirë nga flakët një eskavator.

Menjëherë pas denoncimit, policët e SPB Shkup kanë lokalizuar të dyshuarit, të cilët lëviznin me një veturë BMW me targa të Resnjës, dhe i kanë arrestuar.
Pas dokumentimit të plotë të rastit, ndaj tyre do të parashtrohet kallëzimi përkatës.