Kokainë në automjet, kallëzim penal ndaj dy personave nga Kërçova

Kërçovë – Dy persona nga Kërçova janë kallëzuar penalisht pasi policia u gjeti kokainë gjatë kontrollit të një automjeti.

Sipas MPB-së, I.B. (43) dhe A.L. (29) u ndaluan më 11 gusht në rrugën lokale Sërbjan–Kërçovë, ku gjatë kontrollit të automjetit “Peugeot” u gjet dhe u sekuestrua kokainë.

Ata dyshohen për veprën penale “prodhimi i paautorizuar dhe lëshimi në qarkullim i drogave narkotike, substancave psikotrope dhe prekursorëve”.