Pa u bërë një javë, dy persona humbën jetën nga aksidentet në Prizren

Një 32-vjeçar nga Romaja e Prizrenit ka vdekur të mërkurën pas një aksidenti të rëndë në trafik.

Përveç që rasti për Klankosova.tv u konfirmua nga policia, detaje ka dhënë edhe gazetari korrespodent në emisionin “Ora Shtatë”, Nuhi Salihu.

“Pa u bë një javë nga aksidenti fatal që ndodhi në fshatin Vlashnje ku humbi jetën një 21-vjeçare, mbrëmë rrth orës 18:00 në rrugën Gjonaj-Landovicë, ka ndodhur edhe një aksident i ri për fat të keq me fatalitet”, tha Salihu në Klan Kosova.

Salihu bëri të ditur se vdekja e 32-vjeçarit, Zekë Qenaj erdhi si pasojë pasi motoçikletën të cilën po e drejtonte u përplas me një automjet.

Sipas Salihut, edhe shoferi i automjetit ka pësuar lëndime por është jashtë rrezikut për jetë.