139 mijë denarë zhduken nga llogaria bankare e një 60-vjeçari nga Tetova

Një banor 60-vjeçar nga një fshat i Tetovës ka mbetur pa 139.474 denarë nga llogaria e tij bankare, pasi paratë janë transferuar përmes transaksioneve të paautorizuara në platforma të huaja të internetit, raporton Tetovasot.

Rasti është denoncuar më 26.10.2026 në ora 17:20 në SPB Tetovë. Pas kontrollit të raportit të detajuar nga banka është konstatuar se në periudhën prej 1 deri më 20 tetor janë realizuar disa transaksione të paautorizuara.

Policia po punon për identifikimin e autorit dhe zbardhjen e plotë të rastit, ndërsa u bën thirrje qytetarëve të jenë të kujdesshëm gjatë përdorimit të aplikacioneve bankare dhe shërbimeve online, raporton Tetovasot.