Dhunë në familje në Gostivar: 33-vjeçari hyn me forcë në banesë dhe rrah bashkëshorten

Gostivar – Një tjetër rast i dhunës në familje është regjistruar në Gostivar, raporton Tetovasot.

Sipas Policisë, më 25 tetor 2026, rreth orës 11:50, efektivët e DPB Gostivar kanë arrestuar S.S. (33) nga një fshat i Gostivarit, pasi ishte denoncuar nga bashkëshortja e tij 48-vjeçare.

Sipas kallëzimit, rreth orës 02:00 të mëngjesit, pas një debati të shkurtër, ai kishte hyrë me forcë në banesë, kishte dëmtuar derën e ballkonit dhe më pas e kishte sulmuar fizikisht, duke i shkaktuar lëndime trupore.

Siç mëson Tetovasot, i dyshuari është ndaluar në stacionin policor, ndërsa pas dokumentimit të plotë të rastit ndaj tij do të ngrihet parashtresë përkatëse.