Dy të arrestuar në Gostivar, njëri pa patentë e tjetri me marihuanë

Një kontroll trafiku në Gostivar përfundoi me arrestimin e dy personave.

Siç mëson Tetovasot, policia ndaloi automjetin Ford Mondeo me targa të Gostivarit, të drejtuar nga D.M. (24) nga Çajla, i cili nuk posedonte leje drejtimi.

Gjatë kontrollit, tek bashkëudhëtari E.A. (21) nga i njëjti fshat u gjet marihuanë, çka çoi edhe në arrestimin e tij.

Automjeti është konfiskuar, ndërsa ndaj të dyve do të ndërmerren procedurat ligjore.