Hodhi marihuanën sapo pa policinë, 27-vjeçari përfundon në pranga në Gostivar

Një 27-vjeçar nga Gostivari është arrestuar nga zyrtarët e Ekipit Mobil “Task Force” pasi dyshohet se tentoi të heqë qafe drogën sapo pa patrullën policore, raporton Tetovasot.

Sipas MPB-së, ngjarja ka ndodhur më 8 tetor rreth orës 12:10 në rrugën “Kej Vardar” në Gostivar.

Policia njofton se “personi pasi ka vërejtur patrullën policore ka hedhur një paketim me marihuanë, i cili është gjetur dhe sekuestruar.”

I dyshuari është ndaluar në stacionin policor, ndërsa pas dokumentimit të plotë të rastit ndaj tij do të parashtrohet kallëzim përkatës.