Moti sot: Ftohtë, shi dhe erë e fortë, temperaturat zbresin deri në -3 gradë

Sot në Maqedoninë e Veriut pritet të mbajë mot me vranësira të ndryshueshme dhe më i freskët, ndërsa në pjesët veriore të vendit do të ketë kushte për reshje shiu, njofton Drejtoria për Punë Hidrometeorologjike (DPHM).

Në zonat më të larta malore, reshjet e shiut do të shndërrohen herë pas here në reshje bore.

Do të fryjë erë mesatare deri e përforcuar nga drejtimi verior, e cila herë pas here do të jetë e fortë, duke arritur shpejtësi mbi 60 kilometra në orë.

Temperaturat minimale do të lëvizin nga -3 deri në 8 gradë Celsius, ndërsa ato maksimale do të arrijnë nga 7 deri në 17 gradë.

Në Shkup, moti do të jetë me vranësira të ndryshueshme dhe më i freskët, me mundësi për reshje shiu. Do të fryjë erë mesatare nga drejtimi verior. Temperatura minimale do të zbresë në 5 gradë, ndërsa ajo maksimale do të arrijë në 13 gradë Celsius.

Të mërkurën dhe të enjten pritet mot relativisht i qëndrueshëm, ndërsa të premten dhe gjatë fundjavës do të ketë sërish kushte për reshje shiu.