Arrestohet 25-vjeçari në Tabanoc, paraqiti patentë shoferi të falsifikuar sllovene

Më 6 nëntor 2026, rreth orës 17:10, në Pikën Kufitare Tabanoc, në hyrje të Maqedonisë së Veriut, policia ka privuar nga liria një 25-vjeçar nga Shkupi, me inicialet E.A., pasi gjatë kontrollit kufitar ka paraqitur patentë shoferi të falsifikuar sllovene.

I riu po drejtonte një automjet të tipit “Volkswagen Passat”, me targa të Shkupit, kur gjatë kontrollit policor është konstatuar dokumenti i falsifikuar.
Pas arrestimit, ai i është dorëzuar zyrtarëve policorë të SPB Kumanovë për procedim të mëtejshëm.