Një 69-vjeçar nga rajoni i Gostivarit ka denoncuar në polici një rast mashtrimi prej 350 eurosh, pasi vetura e tij e markës “Mercedes”, të cilën e kishte lënë për riparim, është zhdukur së bashku me mekanikun.

Sipas denoncimit të paraqitur më 16 nëntor, në orën 13:20, qytetari kishte rënë dakord me një person me inicialet S.L. për riparimin e automjetit.

Mirëpo, kur është kthyer për ta marrë veturën, ka mbetur i habitur: as Mercedesi nuk ishte aty, ndërsa mekaniku ishte bërë i paarritshëm.

Nga Ministria e Punëve të Brendshme njoftojnë se po ndërmerren masa për zbardhjen e plotë të rastit.

Ne përdorim cookies për të përmirësuar përvojën tuaj dhe për të analizuar trafikun në faqe. Duke vazhduar përdorimin e faqes, ju pranoni përdorimin e cookies sipas Politikës së Privatësisë. Pranoj Me shume