Qeveria miraton rebalancin e plotësuar të buxhetit për vitin 2026

Në mbledhjen e sotme, Qeveria miratoi Propozimin e ribalancit të plotësuar të Buxhetit për vitin 2026, në të cilin janë përfshirë disa rialokime.

Propozimi i plotësuar miratohet pas përfundimit të shqyrtimit në Komisionin për Financim dhe Buxhet dhe do t’i dorëzohet sërish Kuvendit për miratim në seancë plenare.

“Me Ribalancin e plotësuar janë bërë rialokime të mjeteve ndërmjet shfrytëzuesve buxhetorë, me qëllim të harmonizimit të realizimit me vlerat e planifikuara deri në fund të vitit dhe kryerjes së pagesave prioritare”.

“Me ndryshimet e propozuara, të ardhurat e përgjithshme buxhetore projektohen në nivel prej 374.2 miliardë denarësh, që është për rreth 5.3 miliardë denarësh më pak krahasuar me projeksionet paraprake. Shpenzimet e përgjithshme buxhetore shënuan rënie për vlerën e njëjtë dhe planifikohen në nivel prej 420.5 miliardë denarësh. Deficiti buxhetor mbetet në nivel prej 46.3 miliardë denarësh, përkatësisht 3.9% të PBB-së”, thonë nga Ministria e Financave.

Projeksioni për rritjen ekonomike me Ribalancin e propozuar të Buxhetit për vitin 2026 është 4.3%.

“Ndryshimet dhe plotësimet e propozuara të Buxhetit për vitin 2026 kanë për qëllim harmonizimin me kushtet e reja ekonomike, realizimin e të ardhurave dhe shpenzimeve gjatë vitit, si dhe dinamikën reale të realizimit të shpenzimeve”, thonë nga MF.