Vodhi orën luksoze 260 mijë euro në Tokio, por e ktheu disa ditë më vonë me një letër kërkimfaljeje

Një ngjarje e pazakontë ka ndodhur në Tokio të Japonisë, ku një orë luksoze zvicerane, me vlerë mbi 260 mijë euro, e vjedhur javën e kaluar nga një dyqan, është kthyer në mënyrë misterioze së bashku me një letër kërkimfaljeje.

Sipas mediave japoneze, vjedhja ndodhi në zonën Nakano, ku një burrë, duke u shtirur si klient, provoi një orë të markës luksoze Audemars Piguet, me vlerë 46 milionë jen, dhe më pas u largua nga dyqani.

Fushata më e shtrenjtë në histori, shpenzimet për zgjedhjet e mesmandatit në SHBA arrijnë 12 miliardë dollarë
Rasti mori një kthesë të papritur më 1 nëntor, kur dyqani mori një pako që përmbante orën e vjedhur dhe një letër të shkruar me dorë, përmes së cilës autori kërkonte falje për veprimin e tij.

Sipas gazetës japoneze “Asahi Shimbun”, numri serial i orës u mundësoi hetuesve të konfirmonin se bëhej fjalë për të njëjtin objekt të vjedhur.

Megjithatë, pavarësisht kthimit të orës, policia e Tokios vijon kërkimet për identifikimin dhe arrestimin e personit të dyshuar për vjedhjen.