Një sulm me dron rus goditi të dielën një pallat pesëkatësh në qytetin Dymer, në rajonin e Kievit, duke shkaktuar shembjen e një pjese të ndërtesës. Si pasojë, të paktën dy persona humbën jetën, ndërsa rreth 10 të tjerë dyshohet se kanë mbetur të bllokuar nën rrënoja.

Presidenti ukrainas Volodymyr Zelensky bëri të ditur se nëntë banorë janë evakuuar dhe zjarri është vënë nën kontroll. Sipas autoriteteve lokale, katër persona, mes tyre edhe një adoleshent, kanë mbetur të plagosur.

Operacionet e kërkim-shpëtimit u ndërprenë përkohësisht për shkak të një alarmi për sulm ajror, ndërsa ekipet vijojnë përpjekjet për gjetjen e të mbijetuarve.

Ne përdorim cookies për të përmirësuar përvojën tuaj dhe për të analizuar trafikun në faqe. Duke vazhduar përdorimin e faqes, ju pranoni përdorimin e cookies sipas Politikës së Privatësisë. Pranoj Me shume