Sulmoi pasagjerët dhe shoferin e autobusit, dëmtoi një veturë dhe goditi policët, arrestohet 27-vjeçari në Shkup

Ministria e Punëve të Brendshme (MPB) njofton se dje pasdite, në orën 18:20, në zonën e Draçevës në Shkup, policia ka arrestuar A.M. (27) nga Shkupi.

Sipas njoftimit të policisë, ndaj tij është paraqitur kallëzim se fillimisht në një autobus kishte sulmuar fizikisht disa udhëtarë, si dhe shoferin, të cilit ishte përpjekur t’ia merrte edhe telefonin celular.

Pas kësaj, ai kishte dalë nga autobusi dhe kishte dëmtuar një veturë.

Kur në vendngjarje kishte mbërritur policia, 27-vjeçari kishte sulmuar fizikisht edhe zyrtarët policorë.

Pas dokumentimit të plotë të rastit, ndaj tij do të parashtrohet kallëzim përkatës.