Prokuroria e Tiranës ka thirrur për të dëshmuar Erjon Vishkullin, 28-vjeçarin që mbeti i plagosur në sy gjatë protestës së zhvilluar më 24 tetor.

Mësohet se të riut i është dërguar një fletëthirrje, përmes së cilës i kërkohet të paraqitet para grupit hetimor më 25 nëntor, në orën 11:00, për të dhënë dëshminë e tij lidhur me ngjarjen.

Vishkulli, i cili pas plagosjes iu nënshtrua disa ndërhyrjeve kirurgjikale në Itali, është kthyer në Shqipëri pak ditë më parë.

Ndërkohë, më 28 tetor, Këshilli i Ministrave miratoi një akt normativ për mbulimin e shpenzimeve të trajtimit të tij mjekësor, në vlerën prej 5 milionë lekësh.

Ne përdorim cookies për të përmirësuar përvojën tuaj dhe për të analizuar trafikun në faqe. Duke vazhduar përdorimin e faqes, ju pranoni përdorimin e cookies sipas Politikës së Privatësisë. Pranoj Me shume