BDI të kryejë 2 km në rrugën Shkup-Bllacë, pastaj të flet për rrugën Tetovë-Prizren

Lëvizja Demokratike e Izet Mexhiti ka reaguar sot pas vizitës së ministrit të Infrastrukturës së Kosovës, Liburn Aliu me kreun e BDI-së, Ali Ahmeti, ku u diskutua për rrugën Tetovë-Prizren. LD thotë se para se të flet për këtë rrugë, BDI duhet të realizojë 2 kilometrat e parë në rrugën Shkup-Bllacë.

“Kjo rrugë gjithsesi do të bëhet, por jo me BDI-në, e cila, gjë që është e pritshme, tenton ta përvetësojë si projekt partiak. Ndaj para se të flasin për këtë projekt madhor, të zëshmit e BDI-së, duhet t’i kryejnë ato dy kilometra të rrugës Bllacë – Shkup, që me vite nuk kryhen. Duhet t’i kryejnë punët e tunelit disa dhjetëra metra që me muaj të tërë është bërë makth i vërtetë për ata që marrin rrugën drejt Kosovës apo anasjelltas. Gjithsesi do të duhet t’i sqarojnë edhe skandalet korruptive lidhur me Korridorin 8”, thonë në LD.