Kurti me Guerot biseduan për takimin e nesërm të Brukselit

Kryeministri i Kosovës, Albin Kurti, zhvilloi sot një takim me Ambasadorin e Francës në Kosovë, Olivier Guerot.

Guerot e uroi Kurtin për kandidaturën e suksesshme për organizimin e Lojërave Mesdhetare 2030 dhe ofroi ndihmën dhe përvojën e Francës nga organizimi i këtyre lojërave në vitin 1993.

Kryeministri e mirëpriti gatishmërinë e Francës për mbështetje dhe tha që ne synojnë të mësojnë nga Franca dhe të bashkëpunojnë për organizim sa më të mirë.

Në takim u diskutua edhe për marrëdhëniet bilaterale, çështjet aktuale dhe për takimin e nesërm të nivelit të lartë në Bruksel, pritjet nga ai takim dhe për rëndësinë e zbatimit të plotë, të shpejt dhe pa kushte të Marrëveshjes Bazike dhe Aneksit të saj.