Ky është polici i cili mbeti i vrarë në veri të Kosovës (FOTO)

Rreshteri policor Afrim Bunjaku është polici i Kosovës qëu vra sot nga banda kriminale dhe paramilitarë serb në pjesën veriore të Kosovës.

Zyrtari i forcave të rendit nga Samadrexha e Vushtrrisë u qëllua për vdekje sot rreth orës 3 të mëngjesit, në një pritë nga persona të uniformuar në Banjskë të Zveçanit. Pos tij, në këtë ngjarje u plagosën edhe dy kolegë të tij, njofton Klankosova.tv.

Polici tjetër që kishte rënë në detyrë është Enver Zymberi, nga Dubovci i Vushtrrisë. Ai u vra më 26 korrik 2011, gjatë aksionit të forcave të republikës së Kosovës për ta shtrirë kontrollin në veri të vendit.