Në Beograd shënohet 16 vjetori i Pavarësisë së Kosovës

Nën organizimin e Zyrës Ndërlidhëse të Republikës së Kosovës në Beograd, respektivisht nga shefi i Zyrës, ambasadori Jetish Jashari, u organizua kremtimi i 16 vjetorit të Pavarësisë së Kosovës.

Shënimi i përvjetorit të 16 të Pavarësisë së Republikës së Kosovës në Beograd ishte i veçantë, me simbolikë dhe shumë domethënës.

Këshilltarja e kryeministrit Kurti për Luginë, Ardita Sinani, e cila poashtu ishte e pranishme në ceremoni tha se “njohja e realitetit nga kryeqendra e Serbisë për Republikën e Kosovës, do të jetë shans për demokratizimin e Serbisë”.

“Njohja e realitetit nga ana e Serbisë për Republikën e Kosovës dhe respektimi i parimit të reciprocitetit të të drejtave të pakicave në shtetet respektive, është garancë për paqe afatgjate të Ballkanit Perëndimor”, ka shkruar Sinani.