Taravari: Shqiptarët prej vitit 2011 kanë votuar për ndryshim

Kandidati për president nga radhët e VLEN, Arben Taravari tha se votuesi shqiptar që nga viti 2011 ka votuar për ndryshim, por që problemi kanë qenë politikanët që nuk kanë arritur gjuhë të përbashkët. Taravari thotë se është i bindur që tani do të vijë ndryshimi, pasi opozita shqiptare është bashkuar.

“Vox Populi, Vox Dei, zëri i popullit, zëri i Zotit, dy zërat apo dy fjalët të cilët i kemi marrë prej popullit ishte bashkohuni dhe fjala e dytë që e morëm prej popullit është ndryshoni, sepse populli apo shqiptarët e kanë bërë të veten vazhdimisht prej 2011 votojnë për ndryshim, por gabimi ishte te politikanët edhe 2016 edhe 2020, gabimi ishte te politikanët që nuk mundeshin ta gjejnë gjuhën e përbashkët për t’u bashkuar”, tha Taravari.