Policia franceze qëlloi për vdekje një person të armatosur që i vuri zjarrin sinagogës

Policia franceze qëlloi për vdekje një burrë të armatosur që i vuri zjarrin një sinagoge në qytetin veriperëndimor të Rouen. Dëmet brenda sinagogës janë cilësuar si të konsiderueshme

Policia franceze qëlloi për vdekje një burrë të armatosur që i vuri zjarrin një sinagoge në qytetin veriperëndimor të Rouen të premten herët, tha ministri i Brendshëm Gerald Darmanin dhe zyrtarët lokalë.

Policia, e cila u thirr në vend për shkak të tymit që dilte nga ndërtesa, qëlloi burrin kur ai hodhi një shufër hekuri mbi ta dhe i kërcënoi me një thikë ndërsa po dilte nga sinagoga, tha një zyrtar i qytetit të Rouen.

Zjarri është vënë nën kontroll, tha zyrtari, raporton Reuters, transmeton Klankosova.tv.

Sinagoga pësoi dëme të konsiderueshme, duke përfshirë mobiljet e saj, por askush nuk u dëmtua, tha kryetari i bashkisë së Rouen, Nicolas Mayer-Rossignol, duke shtuar se qyteti i Normandisë ishte “i goditur dhe i tronditur”.

“Një burrë i armatosur u ngjit në një farë mënyre në sinagogë dhe hodhi një objekt, një lloj kokteji molotovi, në dhomën kryesore të lutjes,” u tha gazetarëve Mayer-Rossignol.

Identiteti dhe motivi i sulmuesit ishin ende të paqarta.