Tifozët serbë vazhdojnë me skena të turpshme në “EURO 2024”

Pasi shkaktuan probleme dhe dhunë jashtë stadiumit para ndeshjes me Anglinë, tifozët serbë kanë vazhduar me probleme edhe në ndeshjen e xhiros së dytë.

Skena të turpshme janë parë në ndeshjen mes Sllovenisë dhe Serbisë.

Tifozët serbë në pjesën e dytë nuk kanë ndalur hedhjet në fushën e lojës.

10 minuta para fundit folësi zyrtar ua ka tërhequr vërejtjen shikuesve për hedhjen e gjësendeve.

Kishte hedhje të shumta kur Zan Karnicnik shënoi golin e epërsisë për Slloveninë.

Ato nuk u ndalën edhe kur Erik Janza tentonte të riniste lojën në një periudhë të takimit, madje aty në sfond shihej edhe flamuri me hartën e Kosovës dhe me ngjyra të Serbisë që shkruan në të: “Nuk do të dorëzohemi”.

Ndeshja përfundoi 1-1, me kombëtaren serbe që shënoi në sekondat e fundit të kohës shtesë.