Takimi i ministres Janevska me ambasadorin austriak Pamer

Ministrja e Arsimit dhe Shkencës Prof. Dr. Vesna Janevska realizoi takim me ambasadorin e Austrisë, Martin Pamer, në të cilin u potencuan marrëdhëniet e mira miqësore dhe partnere ndërmjet dy vendeve, të cilat reflektohen edhe në fushën e arsimit dhe shkencës.

Bashkëbiseduesit shprehën kënaqësinë që Maqedonia dhe Austria prej vitesh realizojnë projekte bilaterale kërkimoro-shkencore ndërsa  janë shkëmbyer edhe përvoja pozitive arsimore.

Ata gjithashtu shprehën pritshmëri që bashkëpunimi që synon avancimin  e praktikave arsimore do të vazhdojë edhe në të ardhmen dhe do të intensifikohet edhe më shumë.