I dyshuari për atentatin ndaj Trumpit ishte i regjistruar si republikan, kishte bërë donacion 15 dollarë për një grup demokratësh

Personi i armatosur për të cilin autoritetet thonë se tentoi të vriste ish-presidentin Donald Trump ishte një republikan 20-vjeçar i regjistruar, i cili më parë kishte dhënë një kontribut të vogël në një grup të lidhur me demokratët, sipas të dhënave publike, raporton CNN, përcjell Reporteri.net.

Ai u diplomua nga shkolla e mesme Bethel Park në vitin 2022, sipas një raporti të mediave lokale.

Crooks ishte regjistruar për të votuar si republikan, sipas një listimi në bazën e të dhënave të votuesve të Pennsylvanis që përputhej me emrin, moshën dhe një adresë të Bethel Park që forcat e rendit po kërkonin të shtunën mbrëma dhe lidhet me Crooks në të dhënat publike.

Zgjedhjet presidenciale të këtij viti do të ishin të parat në të cilat ai mund të votonte.

Të dhënat e Komisionit Federal të Zgjedhjeve tregojnë se një donator i listuar si Thomas Crooks me të njëjtën adresë i dha 15 dollarë një komiteti të veprimit politik të një grupi demokratësh “Projekti Progresiv i Pjesëmarrjes” në janar të vitit 2021.

Babai i Crooks, Matthew Crooks, tha se ai po përpiqej të kuptonte “çfarë dreqin po ndodh”, por do të “priste derisa të flas me forcat e rendit” përpara se të fliste për djalin e tij.