I kërkoi para një qytetari për rregullimin e një dokumenti, policia jep detaje për arrestimin e zyrtarit të Gjendjes Civile në Gjakovë

Policia e Kosovës ka arrestuar të mërkurën në Gjakovë një zyrtar të Gjendjes Civile, nën dyshimin për keqpërdorim të detyrës zyrtare dhe mit marrje.

Siç raportoi gazeta online Reporteri.net, bëhet fjalë për zyrtarin Qazim Ibrahimi.

Policia sot ka dhënë detaje për rastin.

I dyshuari, sipas policisë,  në gjendjen civile për rregullimin e një dokumenti i kishte kërkuar të holla një personi. Zyrtari në fjalë është arrestuar dhe dërguar në mbajtje.

“Ankuesi mashkull kosovar ka raportuar se i dyshuari mashkull kosovar në gjendjen civile për rregullimin e një dokumenti i kishte kërkuar të holla, të cilat ankuesi ia kishte dhënë. I dyshuari është arrestuar, dhe pas intervistimit me vendim të prokurorit është dërguar në mbajtje”, thuhet në raportin e policisë. /Reporteri.net/