Të helmuar nga uji, dhjetëra banorë në Dibër përfundojnë në spital

Dhjetëra banorë në Dibër kanë përfunduar në spitalin e Peshkopisë me simptoma helmimi.

Dyshohet se ata janë helmuar nga uji. Për rastin është ngritur grupi hetimor dhe nën drejtimin e Prokurorisë kanë nisur hetimet për zbardhjen e rrethanave.

“Komisariati i Policisë Dibër, ka marrë njoftim se disa shtetas (mes tyre dhe disa të mitur), banorë të bashkisë Dibër, ishin paraqitur në spitalin rajonal të qytetit të Peshkopisë, për ndihmë mjekësore me simptoma si ata të helmimit.

Me marrjen e njoftimit, është ngritur grupi hetimor dhe nën drejtimin e Prokurorisë kanë nisur hetimet për zbardhjen e rrethanave dhe përcaktimin e shkakut të helmimit”-njofton policia.

Në përfundim të hetimeve, do të ketë informacion më të detajuar.