Vendos goli i Haaland, Man City merr përkohësisht primatin

Manchester City ka shënuar fitoren e radhës në Premierligë.

“Citizens” triumfuan minimalisht 1:0 në shtëpi ndaj Southampton që mban pozitën e parafundit në tabelë.

Goli i vetëm i ndeshjes u shënua qysh në minutën e pestë, nëpërmjet Erling Haaland.

Më pas, ndeshja nuk prodhoi gola, ndonëse rastet nuk munguan.

Me këtë fitore, Manchester City shkon në 23 pikë në vendin e parë, dy më shumë se Liverpooli që nesër luan kundër Arsenalit.

Në anën tjetër, Southampton gjendet në vendin e parafundit me një pikë nga nëntë ndeshje të zhvilluara deri më tani.