Shqipëria dhe futbolli të trishtuar me vdekjen e futbollistit të ri

Shqipëria dhe komuniteti i futbollit janë tronditur me lajmin e fundit, të vdekjes së të riut në Tiranë.

Martin Cani të hënën është ndarë nga jeta, pas një sherri me thika mes bashkëmoshatarëve.

E për këtë rast, tifozët në “Air Albania” kanë mbajtur një minutë heshtje përpara ndeshjes mes Shqipërisë dhe Ukrainës.

21 mijë tifozë kanë nderuar 14-vjeçarin Martin Cani që e humbi jetën tragjikisht.

14-vjeçari ishte pjesë e Dinamos U15 dhe ëndërronte të bëhej futbollist.

Gjithashtu tifozët kuqezinj mbajtën në duar një pankartë me shkrimin “Vrasja s’është pasion, Futobolli po! Pusho në paqe Martin!”.

Më herët sot, Presidenti i Federatës Shqiptare të Futbollit, Armand Duka shprehu sot ngushëllimet për ndarjen nga jeta të 14-vjeçarit Martin Cani, duke u shprehu se, “nuk do doja e nuk do dëshiroja kurrë më që të ndaja me ju mesazhe të tilla! Aq më tepër sot, për humbjen e tmerrshme të Martinit 14-vjeçar, i cili prej vitesh kishte zgjedhur si shumë shokë të tij të ndiqte pasionin për futbollin. Fatkeqësisht kjo ëndërr iu ndërpre padrejtësisht në mes”, theksoi Duka.