Hezbollah: Linjat e furnizimit u ndërprenë në të gjithë Sirinë
Udhëheqësi i Hezbollahut Naim Qassem tha në fjalimin e tij të parë publik që nga rrëzimi i presidentit sirian Bashar al-Assad një javë më parë se grupi militant libanez që ai drejton ka humbur linjat e furnizimit në të gjithë Sirinë.
“Po, Hezbollahu ka humbur rrugën e furnizimit ushtarak përmes Sirisë në këtë fazë, por kjo humbje është vetëm një detaj në punën e lëvizjes sonë”, tha Qassem. Nën Asadin, Hezbollahu pro-iranian përdori Sirinë dhe Irakun për të transportuar armë dhe pajisje ushtarake nga Irani në Liban.
Megjithatë, që nga 6 dhjetori, rebelët sirianë pushtuan kufirin me Irakun dhe e ndërprenë atë rrugë furnizimi, dhe dy ditë më vonë, rebelët islamikë pushtuan kryeqytetin, Damaskun.
