“Ditë krenarie e marshimit drejt objektivit historik”, Rama pas hapjes së grupkapitujve për BE

Kryeministri shqiptar, Edi Rama ka publikuar disa fotografi nga Brukseli një ditë pas hapjes së grupkapitujve të rinj për anëtarësimin e Shqipërisë në BE.

Ai në një postim në llogarinë e tij në Facebook mes tjerash shkruan se objektivi i Shqipërisë është anëtarësimi brenda vitit 2030, njofton Klankosova.tv.

“MIRËMËNGJES dhe me FotoALBUMIN e një tjetër dite krenarie të marshimit tonë drejt objektivit historik të anëtarësimit të Shqipërisë në BE brenda vitit 2030, ju uroj një ditë të mbarë”, shkruan Rama.